Tschertgar, chattar, parter, scuvrir la cultura dal Grischun.

Dal chatschader preistoric fin a l'artista contemporana: gia dapi millennis stgaffeschan ils umans cultura en il Grischun. L'ierta culturala multifara ed il preschent cultural dal sulet chantun triling da la Svizra daventan ussa visibels en quest portal. La noziun cultura duvrain nus qua sapientivamain en in senn vast. Vus chattais objects da la cultura populara, usits, documents e fotografias, ovras d'art, toponims, lieus da chat archeologics, edifizis ed occurrenzas culturalas actualas. Il portal ha l'Uffizi da cultura dal Grischun creà ed el è accessibel libramain per mintgina e mintgin. Nus As giavischain bler plaschair sin Voss viadi d'exploraziun digital!