Tschertgar, chattar, parter, scuvrir la cultura grischuna – er il Di internaziunal dals museums, ils 18 da matg 2025
Dal reliquiari medieval, sur il contract da cumpra local fin a la carta postala viagiada tras tut il mund – en il Grischun vegn dapi tschientaners vivida e rimnada cultura sco er scritta istorgia. Il portal da cultura dal Grischun Porta Cultura renda visibel e permetta da far retschertgas en quest patrimoni cultural e linguistic varià sco er en ils eveniments culturals actuals dal chantun triling. A chaschun dal Di internaziunal dals museums, dumengia, ils 18 da matg, As envidain nus en trais differents lieus ad ina preschentaziun dal portal. Tge pon ins scuvrir en quel, co funcziuna il portal e co pon ins l'utilisar? En tut ils trais lieus exista plinavant la pussaivladad da sfunsar en la collecziun e da contribuir insatge.
Lieus ed uras da l'occurrenza:
– Museum dal stgazi da la catedrala Cuira, a las 11.30
– Kulturhaus Rosengarten Grüsch, a las 15.00
– Postkartengalerie Kabinetli Hinterrhein, a las 15.00
La participaziun è gratuita.
Durada: ca. 60 minutas