Bergbaumuseum Graubünden Schmelzboden Davos
Il center d'infurmaziun da minieras cun ina miniera d'exposiziun
Il Museum da minieras Grischun preschenta a moda cumplessiva l’istorgia da las minieras. L’exposiziun mussa la greva lavur dals miniers fin il 19avel tschientaner. Plans, utensils, minerals, models e numerus objects istorics sco era maletgs mussan las differentas epocas da las minieras en il chantun Grischun. La collecziun da differents minerals dal Grischun vegn cumplettada d’ina chavorgia da quarz da fim e d’ina gronda collecziun da calcits. L’exposiziun s’extenda sin quatter plauns en l’anteriur edifizi da l’administraziun da Hitz dal cumenzament dal 19avel tschientaner. Ina visita en il museum pon ins cumbinar cun in guid a la miniera d’exposiziun Silberberg, nua ch’ins po ir a guardar differentas galarias e la chasa dals miniers restaurada. Il Museum da minieras Grischun cumpiglia ils quatter plauns d’in anteriur edifizi d’administraziun da l’industria da minieras dal cumenzament dal 19avel tschientaner. L’istorgia da las minieras da Tavau e dal Grischun vegn preschentada a maun da documents istorics, da fotografias e da models. Da vesair èn era collecziuns da crappa ed objects istorics, sco per exempel ina sculptura da lain da la sontga Barbara fatga enturn l’onn 1500.
Bergbaumuseum Graubünden Schmelzboden Davos
Schmelzboden 3
7278 Davos Monstein
Tel. +41 (0)79 203 77 84
https://www.bergbau-museum.ch/
Infurmaziuns actualas davart ils temps d'avertura, ils pretschs d'entrada e las visitas guidadas chattais Vus sin la pagina-web da l'instituziun.