Casa Besta

Il museum da cuntrabanda e museum local da Brusio

La Casa Besta è il center cultural da la part sut da la Val Puschlav. La chasa signurila, il resultat da la transfurmaziun dad in’anteriura chasa purila durant il 18avel tschientaner, dat albiert oz tranter auter ad ina biblioteca ed ad archivs. Il museum profita da questas sinergias per intermediar l’istorgia locala. Puncts centrals tematics èn la cuntrabanda e la cultivaziun da vin e tubac. I vegn era preschentada ina collecziun d’instruments da musica. L’exposiziun davart la cuntrabanda è ina raritad museala: i vegn mussà co ch’ins transportava illegalmain café e cigarettas da Brusio en Vuclina u co ch’ins importava illegalmain durant la Segunda Guerra mundiala ris ed autra rauba da l’Italia en Svizra. L’exposiziun fascinanta dat in’invista en l’istorgia sociala e malgrà l’accent local tanscha ella tuttina sur ils cunfins. Il Museo Casa Besta mussa objects originals en connex cun ils fatgs da cuntrabanda locals e preschenta la cultivaziun da vin e tubac en la part sut da la Val Puschlav sco era l’istorgia da la vischnanca da Brusio. Differentas occurrenzas cumpletteschan l’intermediaziun culturala. En chasa sa chatta ultra da quai il post da documentaziun da la Societad istorica Valposchiavo.

3 Treffer