Festungsmuseum Crestawald

Ovra d'artigliaria transibla al cunfin al sid dal Grischun

Suenter 60 onns ch’ella è vegnida tegnida secreta, vegn l’ovra d’artigliaria Crestawald a Sur en Valragn duvrada dapi l’onn 2001 sco museum da l’istorgia militara. La fortezza è sa mantegnida en il stadi original e dat ina buna invista da la defensiun naziunala territoriala enfin la fin da la Guerra fraida. Construida anc durant la Segunda Guerra mundiala, dueva l’ovra d’artigliaria – che ha custà 2,7 milliuns francs – bloccar la colliaziun tranter nord e sid cun agid da ses dus chanuns d’artigliaria, sch’igl avess dà in’attatga da vart da la pussanza da l’axa da l’Italia. Ils chanuns Lucrezia e Silvia eran buns da bumbardar ils pass dal San Bernardin e dal Spleia. Il museum preschenta a moda cumplessiva l’istorgia e la tecnica da la fortezza ch’era concepida per 95 schuldads. Regularmain vegnan er installadas exposiziuns spezialas davart l’istorgia militara. Per la defensiun naziunala possedeva l’ovra d’artigliaria dus chanuns e duas mitraglias. Ultra da questas armas pon ins vesair oz en il museum il local da las maschinas, la centrala da transmissiun, il post per operaziuns d’urgenza, ils alloschis, il post central da tir ed il lavuratori. Las tavlas ed il film infurmeschan davart la tecnica e l’istorgia da la fortezza. Als visitaders stattan er a disposiziun audioguids.

5 Treffer