Giardino dei Ghiacciai di Cavaglia
Il monument natiral dal temp da glatsch en il Puschlav
Il Giardino dei Ghiacciai di Cavaglia è in curtin da glatschers en il Puschlav che sa chatta damanaivel da la fermada da la Viafier retica a Cavaglia. Las visitadras ed ils visitaders pon contemplar qua passa trenta avnauns glazialas. Questas furmas chavorgias glischas en il grip èn sa sviluppadas durant l’ultim temp da glatsch tras moviments circulants da l’aua da naiv e da la glera. Las avnauns glazialas che han ina profunditad da per part plirs meters èn integradas uschè bain en la cuntrada alpina al sid dal Pass dal Bernina ch’ins sa senta sco en in curtin natiral. Ellas èn accessiblas sur sendas da viandar e vegnan preschentadas en detagl sin tavlas infurmativas. Quellas èn a medem temp era las staziuns da la senda tematica per uffants cun il gigant Grummo. In’ulteriura attracziun dal curtin da glatschers è la senda tras la chavorgia da Cavagliasco vischina che maina ad ulteriuras avnauns glazialas ed a surpendenzas sco cuvels. Planisà la senda tras la chavorgia ha l’inschigner e construider da punts enconuschent Jürg Conzett.
Giardino dei Ghiacciai di Cavaglia
Via da Li Curt 2
7745 Li Curt (Poschiavo)
Tel. +41 (0)79 585 99 99
Infurmaziuns actualas davart ils temps d'avertura e las visitas guidadas chattais Vus sin la pagina-web da l'instituziun.