Heimatmuseum Trimmis
L'archiv communal da Trimmis
Il Museum regiunal Trimmis preschenta l’istorgia dal vitg a maun da 400 objects, models e maletgs. La collecziun cumpiglia en emprima lingia objects da diever istorics dals secturs da l’agricultura e da la lavur da chasa, dentant era fotografias istoricas dal vitg e nodas-chasa. Ina particularitad dal museum regiunal da Trimmis è sia posiziun. Il museum ch’è vegnì fundà l’onn 1976 sa chatta dapi la fusiun da las vischnancas da Trimmis e da Says en l’anteriura chasa da scola Büel en il vitg da Says ch’è situà sin ina terrassa sur la Val dal Rain grischuna.En la chasa da scola ch’è vegnida construida il 1928/29 porscha il museum regiunal in’instrucziun illustrativa en enconuschientscha da la patria a classas da scola. Sin dumonda vegn il museum dentant avert per tut las persunas interessadas. Ultra da quai stattan a disposiziun en la chasa localitads per prender en locaziun. La collecziun da 400 objects dal Museum regiunal Trimmis cumpiglia principalmain objects istorics da diever e dal mintgadi. Ultra da quai tutgan latiers models e fotografias, sco er intgins objects ch’èn impurtants per l’istorgia dal vitg.
Heimatmuseum Trimmis
Büel 20
7202 Says
Tel. +41 (0)81 354 99 33
https://www.trimmis.ch/geschichte/4482
Infurmaziuns actualas davart ils temps d'avertura, ils pretschs d'entrada e las visitas guidadas chattais Vus sin la pagina-web da l'instituziun.