Institut per la perscrutaziun da la cultura grischuna

L’institut per la perscrutaziun da la cultura grischuna (icg) è in’instituziun da perscrutaziun independenta domiciliada a Cuira. El fa e promova perscrutaziuns en las scienzas umanas, socialas e culturalas che han ina relaziun generala cun il spazi alpin, ed en spezial cun il Grischun e sias regiuns vischinas.

Per ses vast champ d’activitad che cumpiglia disciplinas sco l’istorgia, l’etnologia, la linguistica, l’istorgia d’art, l’archeologia u l’etnologia musicala dovra l’institut la noziun collectiva «perscrutaziun da la cultura». Ils projects scientifics vegnan realisads tenor standards universitars.

L’institut vegn purtà da la Fundaziun per la perscrutaziun da la cultura grischuna, ch’è vegnida fundada l’onn 2007. Las lavurs da project, las occurrenzas e l’infrastructura da l’institut vegnan finanziadas cun subsidis dal maun public dal Chantun e da la Confederaziun, cun contribuziuns da terzas persunas e cun meds da la fundaziun purtadra.

La sedia principala da l’institut sa chatta a Cuira. A Segl en l’Engiadina ha l’institut in post exteriur (www.kulturforschung-sils.ch).

Per regla è la publicaziun d'in cudesch (electronic) il punct final d'in project da perscrutaziun da l'igc. En intgins cas dentant vegnan las publicaziuns cumplettadas cun collecziuns digitalas, u la creaziun d'in document digital è schizunt la finamira da la perscrutaziun.

Archivs da datas davart projects da perscrutaziun: www.atom.kulturforschung.ch

Ediziuns digitalisadas dal Bündner Monatsblatt resp. dal Bündnerischer Monatsblatt: www.e-periodica.ch (1850-1951); www.e-periodica.ch (1952- oz)

Ediziun cun ovras da cumponists grischuns: www.buendnerkomponisten.ch

Banca da datas cun chanzuns popularas rumantschas: www.fonoteca.ch

5 Treffer