Mili Weber Museum
La chesa da parevlas da San Murezzan
L’anteriur domicil da Mili Weber (1891-1978) a la riva orientela dal Lej da San Murezzan es ün’ouvra d’art cumplessiva. L’artista ho pittüro düraunt ans la chesa planiseda e fabricheda da sieu frer. Ils motivs principels sun iffaunts pittüros scu fluors ed integros in cuntredgias magicas. Sper las pittüras da paraids e sül palintschieu sur as rechattan in chesa eir purtrets in öli ed aquarels scu eir las chesas da poppas da l’artista, elavuredas cun inschign. Sün s-chela as vezza ün’exposiziun d’ouvras da la mezza sour da Mili Weber, Anna Haller (1872-1924). Mili Weber ho regalo la chesa a la posterited cul giavüsch: «Possa quista chesa esser ün plaschair pels umauns». Il plaschair vi da l’art our dal muond da parevlas da Mili Webers scu eir vi da l’intera chesa vain intermedio a maniera fich persunela in occasiun da visitas guidedas. Il spiert da parevlas chi regna in chesa s’exprima taunt in l’apparentscha generela scu eir in ogets singuls: Mili Weber ho decoro las localiteds plain fantasia cun frescos, pittüras süls palintschieus sur e vi da las paraids, per exaimpel cun iffaunts pittüros scu fluors. Quist muond da parevlas vain ultra da que inrichieu d’ogets scu chesas da poppas. Exposts sun eir ils purtrets da fluors da la mezza sour da Mili Weber, Anna Haller.
Mili Weber Haus St. Moritz
Via Dimlej 35
7500 St. Moritz
Tel. +41 (0)79 539 97 77
Infurmaziuns actualas davart ils temps d'avertura, ils pretschs d'entrada e las visitas guidadas chattais Vus sin la pagina-web da l'instituziun.