Nähmaschinenmuseum Chur
Il sulet museum da maschinas da cuser dal Grischun
Il museum da maschinas da cuser a Cuira mussa ina schelta da 120 maschinas da cuser da differentas marcas e da differents pajais d’origin. Ils exponats derivan da la collecziun che cumpiglia var 300 maschinas istoricas ch’il fundatur dal museum e mecanist da maschinas da cuser Bernd Pittermann ha rimnà durant blers onns. Il museum mussa maschinas da cuser a maun, maschinas da cuser electricas e maschinas da cuser per uffants. Ultra da las maschinas da cuser da chasa èn er exponidas intginas maschinas da cuser industrialas. Cumplettada vegn l’exposiziun tras accessoris istorics, fotografias e placats da reclama. Spezialmain interessantas èn raritads sco in exemplar d’ina maschina da cuser da la firma Loewe da Berlin. Tut las maschinas funcziunan, intginas dad ellas pon ins empruvar or. Exponida en il museum è ina schelta da 120 maschinas che documenteschan l’istorgia da la maschina da cuser ed en spezial ils svilups dals onns 1871 fin 1940. Cun agid da placats da reclama istorics, da fotografias e d’accessoris sco chaschinas e cussins da guglias vegnan er integrads aspects da l’istorgia sociala.
Nähmaschinenmuseum Chur
Pulvermühlestrasse 79
7000 Chur
Tel. +41 (0)81 252 28 06; +41 (0)81 253 50 70
http://www.pfaff-chur.ch/museum/museum.htm
Infurmaziuns actualas davart ils temps d'avertura, ils pretschs d'entrada e las visitas guidadas chattais Vus sin la pagina-web da l'instituziun.