SAC-Bibliothek Pontresina

Il Museum Alpin a Puntraschigna dispona d’ina vasta collecziun davart l’alpinissem ed il mund muntagnard grischun. Integrada en il museum è la biblioteca da la secziun Bernina dal Club alpin svizzer (CAS). La secziun Bernina dal CAS è vegnida fundada gia l’onn 1891. La secziun reunescha umans che s’interessan per il mund alpin, saja quai ord vista dal sport, da la cultura u da la scienza. En il focus stat il mund alpin da l’Engiadin’Ota e da las regiuns cunfinantas. L’uniun maina tschintg chamonas che porschan pussaivladads da pernottar en las muntognas. La biblioteca documentescha l’alpinissem en general e l’istorgia dal vitg d’alpinists Puntraschigna e dal mund alpin da l’Engiadin’Ota en spezial. Da menziunar particularmain è per exempel la primascensiun dal Piz Bernina l’onn 1850, reussida a Johann Wilhelm Coaz ed a Jon e Lorenz Ragut Tscharner.

SAC Bibliothek, Museum Alpin

Via Maistra 199

7504 Pontresina

Tel. +41 (0)79 610 93 90

praesident@sac-bernina.ch

https://www.sac-bernina.ch/SAC-Bibliothek/

Infurmaziuns actualas davart ils temps d'avertura e las visitas guidadas chattais Vus sin la pagina-web da l'instituziun.