Stiftung Pater Maurus Carnot Samnaun
L’exposiziun davart il pader poet Maurus Carnot
En il museum da Samignun ha la Fundaziun Pader Maurus Carnot endrizzà ina stiva che preschenta la vita e las activitads dal pader poet Maurus Carnot. La basa da l’exposiziun èn documents sco manuscrits, cudeschs e publicaziuns dal poet, scolast e pader da Samignun. Maurus Carnot (1865-1935) è stà in spiritual e poet enconuschent sur ils cunfins dal Grischun. Suenter sia uffanza a Samignun ha sia via manà el sur Sviz ed Innsbruck a Mustér, nua ch’el è vegnì ordinà al spiritual ed è stà activ sco scolast ed autur. El ha predegià e scrit texts per tudestg e rumantsch. Sia ovra litterara cumpiglia tranter auter poesias, tocs da teater e romans. La vita e las activitads da Maurus Carnot vegnan preschentadas a Samignun en il rom d’ina senda tematica. La via cumenza tar la chasa natala da Maurus Carnot a Samignun-Laret e maina sur 17 staziuns fin a Samignun-Plan.
Pater Maurus Carnot Stiftung
Plan Strasse 22
7562 Samnaun-Plan
Tel. +41 (0)81 861 88 30 (Gäste-Info Samnaun)