In medi ed aventurier sin skis – Alexander Spengler

El è vegnì en Svizra sco fugitiv politic, pervia da «fugia dal pajais perseveranta» han ins revocà ad el la naziunalitad badaisa. Sco medi da champagna designà è Alexander Spengler (1827-1901) la finala arrivà a Tavau – ed è daventà qua ina da las persunalitads decisivas.

La vita dad Alexander Spengler tuna sco ina maschaida fabulusa d'in roman d'aventura e d'in roman da medis. A Tavau ha Spengler cumenzà ad examinar curas cunter la tuberculosa – ed è stà ina da las forzas decisivas che ha fatg avanzar Tavau ad in lieu da cura per malsauns dal lom. Collià cun il num da Spengler èn l'emprima chasa da cura da Tavau sco er in sanatori per persunas main bainstantas.

Malgrà ses grond engaschi ha il medi chattà temp per quai ch'ins numna oz in hobi: l'ir cun skis. El ha possedì, probablamain sco emprima persuna a Tavau, in pèr skis nordics. Quels eran ultra da quai anc gravads en il stil d'in sgrafit cun scenas da chatscha e da cumbat aventurusas. Quests skis èn exponids oz en il Museum da sport d'enviern a Tavau.