Ina chombra mirvegliusa en furma da cudesch – l'«Almanacco del Grigioni Italiano»

«Il Grischun na datti betg»: questa conclusiun pudess trair tgi che emprova da chattar in numnader cuminaivel per las caracteristicas dal pli grond chantun da la Svizra cun sias numerusas vals, linguas e particularitads.

Per fortuna datti recipients ch'èn adattads perfetgamain per questa gronda varietad. L'«Almanacco del Grigioni Italiano», edì da l'uniun Pro Grigioni Italiano, è in tal recipient. El vegn stampà a Poschiavo da la stamparia Menghini, in manaschi cun ina lunga tradiziun. L'almanac cuntegna temas istorics e contemporans, poetics e quotidians, scientifics e divertents. E betg darar reuneschan ils texts plirs aspects e geners.

L'almanac correspunda uschia a la furma tempriva d'in museum; ina chombra mirvegliusa cun objects rars, er exotics. Ils cuntegns da l'almanac han dentant adina ina relaziun cun la cultura e cun ils umans dal Grischun dal Sid italofon. En il fratemp è questa chombra mirvegliusa sa sviluppada ad in'ovra da consultaziun gigantica: l'almanac cumpara dapi il 1918. Dal reminent: ils artitgels pudais Vus retschertgar en Porta Cultura.