Art en l'aua – HR Giger ed il Storchenbrunnen a Cuira

L'onn 1979: Margaret Thatcher daventa l'emprima primministra da la Gronda Britannia, l'Uniun sovietica invada l'Afganistan ed ils kinos mussan il film da science fiction «Alien». Il film dal reschissur Ridley Scott vegn a marcar duraivlamain la cultura da pop.

Da quest temp sgarguglia il Storchenbrunnen en la citad veglia da Cuira paschaivlamain dapi bundant in tschientaner. Il creader da l'«Alien», questa creatira da film extraterrestra, enconuscha bain il sgargugliar da questa funtauna. HR Giger, cun num burgais Hans Rudolf Giger (1940-2014), è creschì si en la Storchengasse.

Per regurdar a HR Giger è il grond batschigl da la funtauna vegnì cuvert l'onn 2021 cun 21 plattas d'alumini cun ils renumads musters biomecanics da HR Giger. E questas plattas mussan: HR Giger n'è betg stà mo il creader da l'Alien, ch'è vegnì undrà cun in Oscar, mabain en general in artist talentà