Titel lung, stil cumpact? La cronica da Nott da Porta
«Das Engadin hat seit alters grosse Männer gehabt, die ihre Talente benützten, um der vaterländischen Literatur Ehre einzulegen. Not de Porta hat mit seiner rätischen Geschichte seinem Vaterlande grosse Ehren erwiesen und hat dadurch auch die rätische Literatur hervorgehoben.» («L'Engiadina ha gì da vegl ennà gronds umens che han nizzegià lur talents per far omagi a la litteratura da la patria. Not de Porta ha fatg gronda onur a sia patria cun sia cronica retica ed ha cun quella er accentuà la litteratura retica.»)
Pader Placi à Spescha è intgantà da l'ovra «Chronica Rhetica u L'Historia dal'origine, guerras, allianzas ed auters evenimaints da nossa chiara patria, la Rhetia.» da Not de Porta respectivamain Nott da Porta. Ma era sch'il titel na lascha betg supponer: Nott da Porta ha – almain en ils egls dal pader – in «stil cumpact.»
Il pader da Mustér enconuscha il cudesch dal 1742 bain. El posseda perfin in exemplar, sco ch'ina inscripziun dal 1804 mussa. E precis quest exemplar survegn suenter in possessur prominent: il giurist e politicher Peter Conradin da Planta-Wildenberg. Oz sa chatta il cudesch en l'Archiv cultural Gruob e conturn a Rueun.