La naiv ed il glatsch en il center

Dals 6 fin ils 22 favrer stattan la naiv ed il glatsch puspè en il center da l'attenziun da sportistas e sportists passiunads da tut il mund – e quai pervia dals 25avels gieus olimpics d'enviern. Diversas cumpetiziuns han lieu en vischinanza directa dal Grischun, numnadamain a Livigno (ski freestyle, snowboard) ed a Bormio (ski alpin, ski mountaineering).

Gia avant bunamain tschient onns era il Grischun fascinà dals gieus olimpics: L'onn 1928 (e danovamain l'onn 1948) è San Murezzan stà il lieu d'occurrenza per ils gieus d'enviern. Da quel temp n'existivan disciplinas sco ski freestyle, snowboard, ski alpin u ski mountaineering gnanc. Ma tuttina han var 464 atletas ed atlets (il 2026: dapli che 3500) da 25 pajais (il 2026: 93) concurrì per aur en disciplinas sco bob, hockey sin glatsch, passlung ed autras. Quellas disciplinas èn fin oz da grond'impurtanza en il Grischun.

Tgi che vul mitschar dal travasch a Livigno e Bormio po ozendi persequitar ils gieus da chasa davent u dar in sguard via Porta Cultura sin las perditgas scrittas dal 1928.