Ina trumbetta natirala alpina – la tiba

Adatg! Tgi che trumbetta memia dad aut, pudess stgarpar ses lom. Quai saja capità ad in pastur en il 14avel tschientaner. Per avertir ils ses da guerriers, haja el numnadamain sunà uschè ferm la tiba che ses pèz saja schluppà. Anc oz, uschia la legenda, duai il sang dal pastur – oxid da fier cotschen – glischar al Crap da Flem.

Ma stop! Posauna u tiba? Corn da buc, corn da chatscha u tiba? En il spazi alpin devi intgins instruments da flad. Amez e giudim la Surselva sco era per lung dal district dal Rain Posteriur fin en il Scanvetg era la tiba derasada. Quest instrument è pli curt ch'ina tiba lunga (Alphorn) e surtut guliva.

Ina tala tiba vegn conservada en il Museum Regiunal Sursilvan a Glion. L'instrument ha in bab creà il 1980 per ses figl che gieva gist ad alp. Suenter duas stads ad alp ha il figl laschà enavos la tiba sin l'alp – ed ha suenter puspè chattà ella en il museum. Durant renovaziuns sin l'alp è l'instrument vegnì ad egl e lura arrivà en il museum.