Innovaziun en il davos chantunet – la mazlaria a Vrin

Vrin giaschia en «il davos chantunet dal Grischun», scriva il magazin da novitads tudestg «Der Spiegel» il 2005. Da Vrin vai dentant senz'auter anc plinanen – istoricamain impurtants eran gea er il commerzi ed il barat cun la part sura dal Tessin, surtut perquai che la via a Glion è pir vegnida construida il 1887.

Er en il senn figurativ duai ir vinavant cun Vrin. Las structuras communalas duain vegnir sviluppadas a moda precauta, dapli persunas duain chattar lavur al lieu. Questas intenziuns han ins premià gia il 1998 cun il Premi Wakker da la Protecziun da la patria da la Svizra. E remunerà vegn oz tgi che va en la stizun sin la plazza dal vitg. En la pitschna stizun datti andutgel, coppa e bleras autras liongias ed auters products da charn.

Il spezial: La charn deriva d'animals da la regiun e vegn elavurada directamain en la mazlaria da Vrin. La mazlaria al lieu, creada da l'architect indigen Gion A. Caminada, evitescha lungs transports per ils animals ed il commerzi intermediar char, plinavant pussibilitescha ella era la vendita directa.