Porchabella – duas bellezzas

Bel portg – quai n'è betg forsa in cumpliment per in pur cun bels animals. Quai è il num dal glatscher en il territori dal Kesch-Ducan: Porchabella.

Tenor la ditga deriva la designaziun che para curiusa dal cumportament blasfemond e da las consequenzas da tal dals pasturs da portgs en quest territori. Ma betg mo per ils pasturs era il terren fatal: Era la dunna ch'è vegnida battegiada Porchabella è propi morta qua. Avant bun 30 onns è vegnida annunziada la scuverta da la fin ussa unica bara da glatscher feminina en il Grischun. Equipada cun petgen, tschadun, cuppa, rusari, chapè da fieuter brin ed in mantè chaud violet-cotschen era la dunna da var 25 onns en gir en il terren da glatscher maltransibel enturn l'onn 1685.

Per l'emprima giada pon ins vesair la «Porchabella» en in'exposiziun speziala en il Museum local da Bravuogn.

Ulteriuras infurmaziuns: https://www.ortsmuseum-berguen.ch/