Raschlar fain – insumma betg lungurus
Sch'ins possedeva pli baud ina «Megari» a Tavau, ina prada betg engraschada u sch'ins smanava la fautsch en la «Feissti» – insatge na dastgava mai mancar: il rastè da fain. Co auter pudev'ins raschlar il «Madheu», il fain da la prada alpina, u il «Feisstheu», il fain grass dals prads en la val?
Il rastè da fain para insatge simpel, ma davos quest utensil sa zuppa in'istorgia incredibla – numnadamain l'istorgia da l'economia d'alp che ha transfurmà gia avant millennis las chatschadras ed ils chatschaders, sco era las rimnadras ed ils rimnaders dal Grischun en umans cun domicil stabel.
L'istorgia dals rastels è documentada a moda singulara a Stierva – e quai en il museum Tgesa rasteler. Qua èn exposts exemplars da lain da «Tona rasteler». Quest mastergnant enconuscheva la distanza ideala tranter ils dents dal rastè per mintga sort da fain ed ils lains adattads per fabritgar rastels. Per exempel nitscholer, trembel u fau cumin.