Pitschens retgs cun gronda tradiziun – ils stailers

Tgi ch'è enturn Bavania en in vitg catolic grischun po inscuntrar cun in zichel fortuna ils Trais Sontgs Retgs e lur servients. Quest usit vegn tgirà surtut en la Surselva, il Grischun Central ed en las vals dal sid – e quai dals uffants e giuvenils. A Breil vegnan els manads dal «capitani» che porta in'unifurma veglia e vegn accumpagnà da divers «serviturs». Betg mancar na dastga dapertut la staila da Bethlehem che aveva mussà als Trais Sontgs Retgs la via tar Jesus da Nazaret.

Ils stailers van da chasa a chasa, chantan chanzuns e portan la benedicziun per l'onn nov. Sco engraziament survegnivan els pli baud natiralias, oz rimnan ils uffants plitost daners e sustegnan cun quels er ovras d'agid per uffants.

La tradiziun dals stailers è documentada tranter auter en ina contribuziun da Radiotelevisiun Svizra Rumantscha (RTR).