Las stortas dal flum e da la via – ina veglia illustraziun da Valragn

«Il meglier ma plaschan las vias da glera magnificas, sin las qualas jau chamin uras a la lunga, per part en direcziun dal San Bernardin, per part vers il Pass dal Spleia, senza che jau stuess far attenziun da la via.»

Al filosof Friedrich Nietzsche plascha la cuntrada dal Valragn l'onn 1872. Dar adatg sto il filosof dentant, cura ch'el chamina sin la Via Commerziala suenter il vitget da Valragn en direcziun dal Pass dal San Bernardin. Questa via ha stortas stretgas – ed è fitg frequentada dapi l'inauguraziun il 1823.

Las stortas da la Via Commerziala èn bain visiblas sin ina carta postala dal 1910 – era sch'ellas n'èn betg da congualar cun las stortas enormas dal Rain Posteriur che meandra da quel temp anc magari libramain.

Tge ch'il fotograf Domenic Mischol da Schiers ha tut fotografà ultra da quai, ves'ins dal rest al lieu sez: La fotografia fa part da l'exposiziun «Postkartengalerie Kabinetli», installada en la chasa veglia Kabinet, datiers la baselgia dal vitg.