Biblioteca Engiadinaisa
Il stgazi da cudeschs al Lai da Segl
La Biblioteca Engiadinaisa ch’i dat dapi il 1962 è oz ina cumpart essenziala da la vita culturala da Segl ed in lieu d’inscunter per la populaziun indigena e giasts. Ina sala da lectura cun vista sin il Lai da Segl e trais stanzas en il plaun sura envidan da scuvrir novs munds e da far in paus. En il plaun sut stattan a disposiziun dus plazs da lavur cun computers e squitschader ed en tut la chasa hai ina rait da WLAN gratuita.
La spierta da la biblioteca cumpiglia var 23’000 medias – belletristica, litteratura specifica, litteratura per uffants e giuvenils, cudeschs auditivs, figuras da Tonies, DVDs, e-readers, gasettas e revistas. In accent principal metta la biblioteca sin publicaziuns davart l’Engiadina ed il Grischun dal Sid. Ultra da la litteratura rumantscha porscha ella er ina schelta da medias talianas, franzosas ed englaisas ed in access ad offertas digitalas sco Onleihe e filmfriend.
La Biblioteca Engiadinaisa è vegnida fundada da Louise Silverberg en memoria da ses bab e sco engraziament a sia patria elegida. Ella ha gì la finamira da stgaffir ina biblioteca generala pli gronda en l’Engiadina che stat a disposiziun gratuitamain a la populaziun engiadinaisa ed a la publicitad. Ultra da quai s’engascha la fundaziun cun contribuziuns da sustegn per il mantegniment da la lingua rumantscha e per la promoziun da la cultura locala.
Biblioteca Engiadinaisa
Via da Baselgia 46
7514 Sils/Segl Baselgia
Tel. +41 (0)81 826 53 77
Access al catalog da la biblioteca: www.opac.gr.ch
Infurmaziuns actualas davart ils temps d'avertura, ils pretschs d'entrada e las visitas guidadas chattais Vus sin la pagina-web da l'instituziun.