Festungsmuseum Sperre Trin

La fortezza a l'entrada da la Surselva

En il Crap Sogn Parcazi, in grugn cun ina ruina da chastè tranter Trin e Trin Mulin, sa chatta ina fortezza militara ch’è vegnida construida durant la Segunda Guerra mundiala. Oz po vegnir visitada l’ovra ch’è vegnida tegnida secreta durant plirs decennis. La fortezza cun ses refugis zuppentads sco grip, ovra idraulica e susta è colliada sut terra via 300 stgalims cun ina segunda fortezza en il grip da Crap Pign. Ella serviva sco bloccada da l’entrada a la Surselva ed a l’uschenumnà reduit, la zona da resistenza principala da l’armada svizra ch’era segirada da numerusas fortezzas per cas ch’i dettia in’attatga. La bloccada equipada cun mitraglias e chanuns antitancs è registrada en l’inventar da construcziuns da cumbat e da cumond sco «bloccada d’impurtanza naziunala». Las ovras en il Crap Sogn Parcazi ed en il Crap Pign ch’èn colliadas sut terra ina cun l’autra possedan mintgamai duas mitraglias per serrar l’entrada a la Surselva. Tuttas duas ovras han ina mitraglia leva per segirar ina l’autra. Tar las ovras da bloccada tutgan ultra da quai differents refugis ed ina cuschina dal corp da guardiafortezzas che vegn nizzegiada oz per l’alimentaziun durant las visitas.

4 Treffer