Fortezia Stalusa
Il museum da fortezza damanaivel da Mustér
La Fortezia Stalusa è in’anteriura fortezza secreta da l’armada svizra damanaivel da Mustér. Ella è oz accessibla publicamain. La fortezza è vegnida construida il 1967 ed ha fatg part da la bloccada da Russein. Durant la Segunda Guerra mundiala e durant la Guerra fraida dueva questa bloccada impedir inimis potenzials da traversar ils Pass dal Lucmagn e l’Alpsu. La Fortezia Stalusa è vegnida construida per rinforzar questa bloccada ed equipada tranter auter cun dus bittaminas da fortezza. La Fortezia Stalusa è mantegnida en il stadi original e n'è – cuntrari a bleras autras anteriuras fortezzas da l’armada svizra – betg discharmada. Quai vul dir che la fortezza è anc equipada cun l’armament originar. La fortezza consista da plirs locals sutterrans cun funcziuns militaras e stanzas per l’alloschi e l’alimentaziun. La fortezza cumpiglia ultra da quai ina gronda exposiziun d’armas d’infantaria.
Festungsmuseum Fortezia Stalusa
Via Sursilvana 201
7182 Disentis
Infurmaziuns actualas davart ils temps d'avertura, ils pretschs d'entrada e las visitas guidadas chattais Vus sin la pagina-web da l'instituziun.