Kulturarchiv Bonaduz

La memoria culturala da Panaduz

L’Archiv cultural Panaduz documentescha l’istorgia da Panaduz cun agid da maletgs, da tuns, da texts e d’objects. L’accent vegn mess sin documents istorics sco manuscrits, genealogias, biografias e fotografias. Cun totalmain 10 000 documents cuvra l’Archiv cultural Panaduz la perioda dal 1700 fin oz. L’archivaziun e la conservaziun vegn fatga tenor criteris scientifics. En l’archiv èn er avant maun las ovras dal teolog Peter Niederstein (1933–2014). Sia sedia ha l’archiv da cultura en il center da la pravenda catolica che l’inschigner per construcziuns da lain Walter Bieler da Panaduz ha realisà l’onn 2007, mantegnend la structura istorica d’ina stalla e l’engrondind tras in edifizi annex cun ina passarella. Tematicamain cumpiglia l’archiv secturs sco la cultura, l’economia, la politica, la naziunalitad ed il turissem.

3 Treffer