Archiv cultural Tusaun-Viamala
La memoria istorica da Tusaun
L’Archiv cultural Tusaun-Viamala collectescha e tegna en salv documents da tut gener davart l’istorgia dal vitg da Tusaun e ses conturn, per exempel davart la chavorgia da la Viamala. La collecziun consista surtut da documents scrits, fotografias e litteratura davart Tusaun e conturn. Tranter ils documents scrits sa chatta per exempel la brev da la scolaziun terminada d’in chirurg barbier da Tusaun dal 1661. A maun da l’archiv da fotografias pon ins tranter auter persequitar il svilup architectonic da Tusaun durant ils ultims decennis. La partiziun da litteratura cumpiglia ovras da la cultura populara ed istoric-locala sco il «Heimatbuch Thusis-Viamala». L’Archiv cultural Tusaun-Viamala na collectescha betg mo objects e tegna en salv quels. El fa era lavur publica cun organisar referats, visitas guidadas e scriver artitgels per las medias.
Archiv cultural Tusaun-Viamala
Spitalstrasse 1
7430 Thusis
Tel. +41 (0)81 651 00 63
Infurmaziuns actualas davart ils temps d'avertura e las visitas guidadas chattais Vus sin la pagina-web da l'instituziun.