Militärmuseum St. Luzisteig
Museum da fortezza e dal transport militar dal Grischun
Il museum militar St. Luzisteig tematisescha l’impurtanza dal pass tranter Maiavilla ed il vitg da Balzers en il Liechtenstein dal puntg da vista da l’istorgia militara e da l’istorgia dal traffic, sco er l’istorgia architectonica da la fortezza ch’è vegnida influenzada considerablamain tras las lavurs da construcziun sut Johann Ardüser (1585-1665), Casper Werdmüller (1663-1744) e Richard La Nicca (1794-1883). Perquai ch’il Luzisteig è stà ils onns 1966 fin 2004 il lieu da scolaziun per las truppas da transport da l’armada svizra (train), mussa l’exposiziun en l’anteriur arsenal era l’impurtanza dal chaval en l’armada da pli baud. L’istorgia dal Luzisteig e dal train vegn preschentada en in film documentar ed a maun d’objects originals. A medem temp serva il museum sco punct da partenza per spassegiadas marcadas en l’istorgia militara, sco per exempel a la fortezza da Rohan. Il museum militar St. Luzisteig ha bain sia sedia en in anteriur arsenal, la collecziun correspunda dentant betg ad in arsenal, mabain cumpiglia mo objects singuls ch’èn impurtants per l’istorgia militara dal Grischun e da la Svizra. Elements centrals da la collecziun èn ils objects dal train, da las truppas da transport da l’armada svizra ch’eran equipadas cun chavals.
Militärmuseum St. Luzisteig Maienfeld
Luzisteig
7304 Maienfeld
Tel. +41 (0)79 367 81 56
Infurmaziuns actualas davart ils temps d'avertura, ils pretschs d'entrada e las visitas guidadas chattais Vus sin la pagina-web da l'instituziun.