Museo Ciäsa Granda e atelier Giacometti
Il museum da l'istorgia natirala e culturala da la Bregaglia
En la Ciäsa Granda para da svanir il cuntrast usità tranter natira e cultura: en questa chasa patriziana dal 16avel tschientaner na vegnan betg mo tematisadas las particularitads geologicas da la Bregaglia e sia fauna e flora, mabain era la moda da viver tradiziunala da la populaziun da la vallada. Undrà vegn spezialmain l’art d’Augusto Giacometti (1877-1947), da Giovanni Giacometti (1868-1933) e da ses figls Alberto Giacometti (1901-1966) e Diego Giacometti (1902-1985). Er ovras da Varlin (cun il vair num Willy Guggenheim, 1900-1977) fan part da la collecziun. La Bregaglia cun sia armonia particulara da cultura e natira vegn era tematisada cun entiras reconstrucziuns dad ufficinas preindustrialas. Er ina "Cascina", ina chamona tradiziunala che serva a setgar las chastognas, è vegnida reconstruida. L’ovra artistica da Willy Guggenheim e da la famiglia Giacometti è in punct central da la cultura en la Ciäsa Granda. I vegnan era preschentadas furmas culturalas ed economicas tradiziunalas, per exempel a maun d’ina fuschina reconstruida.
Museo Ciäsa Granda und Atelier Giacometti Stampa
Strada Cantonale 102
7605 Stampa
Tel. +41 (0) 81 822 17 16
Infurmaziuns actualas davart ils temps d'avertura, ils pretschs d'entrada e las visitas guidadas chattais Vus sin la pagina-web da l'instituziun.