Museum 14/18
Il museum davart l'istorgia militara da las Alps illa Val Müstair
Il Museum Stelvio-Umbrail 14/18 documentescha l’istorgia da la Prüma Guerra mundiala illa regiun da muntogna dal Pass dal Stelvio e da l’Umbrail. La Svizra nu d’eira bainschi partecipada activamaing a la guerra, ma dürant l’occupaziun dal cunfin s’haja fabrichà numerus edifizis. Implü han millieras da sudats svizzers fat lur servezzan militar illa regiun da cunfin cull’Italia e l’Austria. Il museum a Sta. Maria in Val Müstair preschainta las perdüttas da quist temp ed il context istoric. L’archiv dal museum posseda implü copchas ed originals da documaints istorics da guerra da la Svizra, l’Austria e l’Italia. I’s po perseguitar l’istorgia da la guerra mundiala sün differentas vias tematicas chi mainan pro basas e posts anteriurs dals pass. Il Museum Stelvio-Umbrail 14/18 Sta. Maria muossa panoramas a formats gronds dal temp da la guerra mundiala chi nu sun be d’importanza militara istorica, dimpersè eir instructivas pell’istorgia natürala. Ils edifizis militars vegnan preschantats a man da relievs e models. Eir ils pseudonims dals edifizis vegnan declerats.
Museum Stelvio-Umbrail 14/18 Sta. Maria
Chasa Plaz
7536 Sta. Maria
Tel. +41 (0)81 858 72 28
stelvio-umbrail.ch/vsuhp/museum-14-18
Infurmaziuns actualas davart ils temps d'avertura, ils pretschs d'entrada e las visitas guidadas chattais Vus sin la pagina-web da l'instituziun.