Museum Meister da Vuorz / Arcun da tradiziun Vuorz

Museum da l'istorgia dal vitg e da las ovras medievalas dal maister da Vuorz

Il Museum Meister da Vuorz sededichescha ad in artist, dil qual il num ei nunenconuschents. Pervia da ses frescos ella baselgia dil vitg han ins denton semplamein numnau el Meister da Vuorz. Quei artist ha picturau l’emprema mesadad dil 14avel tschentaner baselgias ed edifecis profans el Grischun. Sia ovra vala sco singulara quei che pertucca frescos gotics el nord dallas Alps. Il museum presenta las ovras digl artist, muossa lur impurtonza e historia dall’influenza e dilucidescha il temps ch’igl artist viveva. Il Museum Meister da Vuorz ei il medem mument era il museum dil vitg da Vuorz. Las exposiziuns alternontas muossan mobiglias e caussas che dateschan cunzun dil 19avel tschentaner e che dattan aschia in’idea dalla veta quotidiana d’antruras. Davart il Meister da Vuorz cun ses frescos gotics che orneschan pliras baselgias el Grischun dat ei per motivs evidents buc in’endretga collecziun. Correispundentamein survescha il museum sco liug d’informaziun e d’intermediaziun. Il museum dispona denton d’ina collecziun dalla cultura populara locala ch’exista en special da mobilias e d’objects da diever dil 19avel tschentaner. Tier il museum ella Casa Cadruvi s’auda era in pistregn cun in fuorn da lenna.

3 results