Pretorio Vicosoprano

A Vicosoprano è sa mantegnì – cun l’unica tur radunda che exista anc en il Grischun – ina sedia da dretgira che serviva a medem mument sco lieu da dazi e sco lieu da process cunter strias. Quai vegn tematisà en visitas guidadas che duran dapli che in’ura e che mainan tras ils conturns e tras il Pretorio sez. Quel è vegnì equipà l’onn 1592 cun ina chombra da tortura, cun ina praschun e cun in pal da la vargugna. Tematisadas vegnan era l’impurtanza e l’istorgia dals pass dal Set e dal Malögia. En il Pretorio èn vegnids enchaschads ils dazis correspundents pertutgond transports da chaussa. La «Oral History», damai la moda orala da transmetter l’istorgia, ha insumma ina gronda valur en il Pretorio da Vicosoprano: sin giavisch raquintan er abitantas ed abitants da la vischnanca da particularitads culturalas da la val, da la vita u dal «dialet bargajot». Il Pretorio cun sia tur radunda dal temp medieval posseda ina sala da dretgira, in pal da la vargugna, ina chombra da tortura ed ina praschun. L’intermediaziun da l’istorgia ha lieu en il Pretorio ed en ses conturns immediats (lieu da la furtga) tras persunas indigenas. I vegn era raquintà bler davart la cultura bregagliotta e la moda da viver da pli baud e dad oz.

Pretorio Vicosoprano

Plazza 1

7603 Vicosoprano

Tel. +41 (0)81 822 15 30

rengiosem@gmx.ch

www.bregaglia.ch/de/pretorio-und-folterkammer

Infurmaziuns actualas davart ils temps d'avertura, ils pretschs d'entrada e las visitas guidadas chattais Vus sin la pagina-web da l'instituziun.