Sils Museum, Andrea Robbi Stiftung

La scuvierta d’ün artist invlido: In sia giuventüna valaiva Andrea Robbi (1864-1945) scu pittur talento, el ho stüdgio a las academias d’art a München, Dresden e Paris, ma dal 1898 ho el dandettamaing glivro da pittürer. Pür decennis zieva sia mort ho l’artist engiadinais Giuliano Pedretti (1924-2012) scuviert darcho sias ouvras. Daspö l’an 1994 sun sias ouvras accessiblas al public aint il Museum Andrea Robbi a Sils/Segl Maria. Il museum, domicilio illa Chesa Fonio istorica, metta eir in relaziun ils purtrets in öli, ils disegns ed ils aquarels d’Andrea Robbi cun l’art contemporana: in duos exposiziuns l’an interpreteschan artists invidos danövmaing ils aspets da las ouvras d’Andrea Robbi. Il Museum Andrea Robbi muossa scu unica instituziun ouvras da l’artist Andrea Robbi. Eir scha numerusas da quistas ouvras (purtrets in öli, disegns, aquarels) nu sun datedas u incumplettas, as vezza tuottüna lur ota qualited. A nu’s so precis perche cha Andrea Robbi ho glivro da pittürer l’an 1898. Eventuels motivs pudessan esser stos la mort dals genituors scu eir il sentimaint cha sia lavur e sia persuna gnivan refüsedas.

Sils Museum

Haus Fonio

Via da Marias 110

7514 Sils Maria

Tel. +41 (0)44 242 37 27

info@silsmuseum.ch

https://silsmuseum.ch/

Infurmaziuns actualas davart ils temps d'avertura, ils pretschs d'entrada e las visitas guidadas chattais Vus sin la pagina-web da l'instituziun.