Società Storica Bregaglia
Il center da cumpetenza davart l’istorgia da la Bregaglia
La Società Storica Bregaglia sa fatschenta intensivamain cun la cultura e l’istorgia da la Bregaglia. Sia sedia ha la societad en il Palazzo Castelmur, nua ch’ella ha endrizzà in archiv istoric ed in archiv fotografic. La societad rimna, mantegna e renda accessibels documents istorics e materialias audiovisualas. A basa da questas activitads promova la societad era la perscrutaziun da l’istorgia da la val cun dar impuls critics ed innovativs. La Società Storica Bergaglia organisescha ultra da quai dietas e visitas guidadas ed è activa publicisticamain. L’archiv istoric reunescha documents da passa quatter tschientaners. Bain represchentads èn surtut il 17avel e 19avel tschientaner ed il tema da l’emigraziun. L’archiv da fotografias vegn digitalisà cuntinuadamain ed è accessibel online per tschertgar tenor temas e lieus.
Società Storica Bregaglia
Palazzo Castelmur
7605 Stampa/Coltura