Archiv dal stadi

Center per l’archivaziun e l’istorgia grischuna

L’Archiv dal stadi dal chantun Grischun è l’archiv dal chantun Grischun e da ses antecessurs en il dretg. La consegna uffiziala da documents surtut da l’administraziun chantunala vegn cumplettada da numerus documents d’origin privat ch’èn essenzials per l’istorgia dal chantun. Il material da l’archiv documentescha l’istorgia da var 800 onns. Il vast inventari cumpiglia documents, actas, protocols, manuscrits, plans, fotografias, stampats e da nov era datas electronicas. Il pli vegl document, in testament, deriva da l’onn 1209.Cun collectar, render accessibel ed archivar las ovras ed ils documents istoricamain prezius furma l’Archiv dal stadi ensemen cun ils ulteriurs archivs dal maun public (archivs communals e regiunals) la memoria uffizial-statala dal chantun Grischun. El permetta da chapir las activitads statalas dal passà e metta a disposiziun a la perscrutaziun istorica dal Grischun ina collecziun da funtaunas autenticas. Ils inventaris da l’archiv dal stadi èn publics e pon vegnir consultads gratuitamain, uschenavant ch’els n’èn betg pli suttamess a la protecziun da datas.

6 Treffer