Varlin-Archiv Bondo

Suenter las nozzas cun Franca Giovanoli il 1963 è l'artist renumà Varlin (Willy Guggenheim, *1900-†1977) vegnì a star a Bondo en la Bregaglia, suenter ch'el ha vivì principalmain a Paris ed a Turitg. A Bondo è era naschida sia pli impurtanta ovra tardiva. L'Archiv da Varlin administrescha ses relasch e tgira exposiziuns e publicaziuns davart sias ovras. L'archiv posseda ina vasta collecziun da documents, scrittiras, publicaziuns e fotografias ed era bleras ovras originalas (picturas, dissegns, squitschs). En l'anteriur atelier han ins endrizzà ina stanza d'exposiziun. En quella vegnan mussadas las ovras da Varlin en exposiziuns temporaras. Quest atelier e parts da la chasa d'abitar cun ulteriuras ovras exponidas pon ins visitar sin dumonda.

4 Treffer