Aclas – bler dapli che chasettas da vacanzas cun bella vista

Tgi che vul chattar in'acla, duai trair en las stgarpas e viandar d'in vitg da purs grischun bundant in'ura amunt. Lura s'avra il guaud ed ins vesa probablamain prada e pastgira. Da dis chauds aud'ins las fautschs tagliond la prada, sin la pastgira sclingian las stgellas.

In'acla è dapli ch'ina chasetta da vacanzas en las muntognas. D'ina acla fan part prada privata e pastgira publica, almain ina stalla e per finir in spazi d'abitar simpel ch'ins numna ozendi be pli acla.

Quest spazi d'abitar ha tradiziunalmain pauca impurtanza. Las aclas èn la part centrala da l'agricultura a trais stgalims, il liom tranter l'economia d'alp da stad e l'economia en la val d'enviern.

Aclas vegnan duvradas surtut il matg. En blers lieus èn ozendi sa midadas las furmas d'utilisaziun. Ed i vegn discutà activamain co ch'ins duai tractar l'ierta culturala «acla». Sin Porta Cultura chatt'ins bleras infurmaziuns davart quella discussiun.