Forzas da la natira crudaivlas – in'aua gronda en il Partenz

«La Landquart selvadia sburfla tras la val,

da tuttas duas varts s'auzan en ils auts las muntognas verdas

da gronda variaziun cun vitgs, curtins, curts ed alps

tranteren ers e prads e plantas e grippa e guaud.»

Alfons Flugi descriva il Partenz l'onn 1844 sco cuntrada miaivla, ma il flum da la vallada, la Landquart, preschenta il poet e linguist gia sco smanatschant. E propi ha la Landquart adina puspè devastà il fund da la val dal Partenz. Il zercladur 1910 hai dà in'aua gronda che resta en memoria fin oz, surtut pervia da las fotografias da quel eveniment.

La raschun per talas inundaziuns eran fermas daratgadas che laschavan crescher ils affluents e la Landquart sezza. L'aua gronda ha devastà territoris abitads, rut punts e destruì la lingia da viafier en plirs lieus. La violenza da l'eveniment da la natira ves'ins sin fotografias en l'Archiv dal stadi dal chantun Grischun ed en il Museum Retic a Cuira.