Bregaglia mirvegliusa

En sias ovras «Cervo», «Stambecco» ed «Urogallo» maina il pictur talian ed artist da video Simone Berti ils contempladers en in auter lieu imaginar, sin in viadi, nua che la pictura da la renaschientscha sa collia cun tuns surreals e cun l'abstracziun en installaziuns da video animadas.

Questa via maina tras lieus simbolics ed archetipics da la Bregaglia: da la Stalla Martinenga sur la chasa da pasturs a Stampa fin tar la pli veglia baselgia da Nossa Dunna a Promontogno. Gist questa vista idillica stat er en il center d'ina fotografia dad Andrea Garbald da l'onn 1905 che fa part d'in album da fotografias. La fotografia, animada da finas colurs pastel, mussa in'atmosfera mirvegliusa e lascha daventar la cuntrada da la Bregaglia la punt pendenta tranter realitad e siemi.