«El Sol» – in apparat miraculus cun effects nungiavischads

Tge gida il meglier cunter «reumatissem, gutta, neuralgias, arteriosclerosa, mancanza da sien» u «disturbis da la circulaziun dal sang»? Sa chapescha: «El Sol». Uschè curt ses num, uschè miraculusamain diversas èn las pussaivladads d'utilisar quest apparat. Cun ina difficultad.

L'apparat da radis violets vegniva construì ad Igis e ses diever era relativamain simpel. In generatur produciva currents alternants d'auta frequenza e diversas electrodas eran d'applitgar là, nua che l'electroterapia dueva gidar. Ma questa chaussa miraculusa aveva almain in effect nungiavischà: ella disturbava la radiodiffusiun. Suenter la Segunda Guerra mundiala è l'apparat perquai vegnì scumandà.

Contemplar pon ins tals apparats «El Sol» anc oz. Ina da quellas maschinas miraculusas sa chatta en il Museum Regiunal Surselva a Glion. Tgi che ha gust, dastga gia dar in'egliada en il manual da diever sin Porta Cultura…