L'emprim grond eveniment multimedial en il Grischun – il Gieu festiv da la Chalavaina

Ston ins star en il Grischun per chapir il grischun? Ston ins esser al lieu per stgaffir in gieu festiv che tematisescha in eveniment istoric? Per exempel la renumada Battaglia a la Chalavaina tranter il Stadi federativ svabais d'in maun ed ils Grischuns e la Confederaziun da l'auter maun?

Georg Luck è bain creschì si sin il bain da la famiglia dasper la Clinica psichiatrica Waldhaus a Cuira e Michael Bühler ha sias ragischs en la Val Stussavgia. Ma omadus han vivì onns a la lunga a l'ester – u almain a Berna. Qua han els lavurà per il «Bund» – ed ensemen han els scrit ils texts per il Gieu festiv da la Chalavaina che ha gì il 1899 sia premiera a Cuira davant 1500 aspectaturas ed aspectaturs. La musica ha cumponì Otto Barblan.

L'aspect da la gronda Festa a la Chalavaina e dal gieu festiv è documentà sin Porta Cultura – perfin cun fotografias dal grond eveniment, probablamain l'emprim multimedial en il Grischun.