La glisch fascinanta

Gia dapi sia uffanza è Haruka Fujita fascinada da la glisch. En sias ovras vivas ed abstractas sa sviluppan veritabels munds en in moviment permanent che lascha entrar l'art e la scienza en dialog in cun l'auter.

In'energia sumeglianta da colurs intensivas percurra er la seria da maletgs «MACCHIE» da Hannes Gruber, in artist, ch'era collià stretgamain cun la Bregaglia e che percurscheva là ina glisch speziala: Er en quest maletg pussibilitescha l'abstracziun a l'egl da percorscher microcosmos colurads e las penelladas paran bunamain da sumegliar al saut d'atoms e da moleculs giagls.