La simbolica da las chasas bregagliottas

En la stalla da fain dal Centro Giacometti è da vesair il tripticon da DEM, «Bandiere della Bregaglia», in'ovra che renda conscienta la val cun simbols e segns geografics. L'interess antropologic ha manà l'artist a studegiar la ritga simbolica e las numerusas vopnas ch'ins chatta vi da mirs e portas en la Bregaglia e che sa mettan en retscha lung da la val. 

Mo paucs tschients meters davent dal lieu d'exposiziun da la «Bandiere della Bregaglia» stat in edifizi che ha attratg l'attenziun d'in auter artist ils onns 1970 e ch'è vegnì preschentà pliras giadas: la chasa da vacanzas da Varlin. Betg lunsch davent dal flum Maira, che sa chatta davant la culissa dal Palazzo Castelmur, serviva l'edifizi lung temp sco cuntscharia. A partir dal 1964 è el daventà la chasa da vacanzas da Varlin ed a medem temp il motiv da plirs da ses maletgs.