Vents a Malögia

L'ovra «Aria Adiabatica» da Kathrin Siegrist, che consista da tocs da taila che sgulatschan en la curt interna da la Torre Belvedere, entra en dialog cun il vent e suonda ses currents a moda ludica.

Ma a Malögia na sufla nagin vent ordinari: Cuntrari als currents d'aria alpins usitads sufla el en in tschert senn a moda inversa, cun ascender la Bregaglia e sbuccar vers l'Engiadin'Ota. Quest fenomen termic particular vegn savens accumpagnà da la «serp da Malögia» – in bindel da nivels cumpact che sa tira tras las muntognas sco in corp da reptils sturschì.

Era in maletg da Hannes Grupper para da represchentar quest spectacul meteorologic. Cun penelladas vigurusas reproducescha el il vitg da Malögia e para d'inditgar davosvart ina figura animalica e tschajerusa.