Museum Engiadinais
La granda collecziun da la cultura d'abiter engiadinaisa
Cu as vivaiva in Engiadina avaunt il cumanzamaint dal svilup turistic? Resposta a quista dumanda do il Museum engiadinais cun passa 4500 exponats chi fuorman ün’united da la cultura d’abiter alpina insembel culla chesa dal museum. L’accent da la collecziun chi cumpiglia stüvas da dschember interas, as situescha illa cultura d’abiter dal 16. fin al 19. tschientiner. Il museum metta a dispusiziun guidas multimedielas in püssas linguas ed organisescha exposiziuns specielas.Iniziant dal Museum engiadinais d’eira Riet Campell (1866-1951), ün perscruteder da la patria e bierer da Susch. La chesa es gnida fabricheda l’an 1906 tenor plauns da Nikolaus Hartmann (1880-1956), e que directamaing scu museum. Il motiv principel d’eira la reflexiun da la cultura d’abiter tradiziunela in Engiadina. Il stil indigen correspundent es gnieu realiso da Nikolaus Hartmann eir tal Museum Segantini a San Murezzan e tar las staziuns Alp Grüm ed Ospizio Bernina da la lingia da viafier dal Bernina. Riet Campell, il fundatur dal museum, nun ho be ramasso singuls ogets scu cudeschs, textilias u mobiglia, ma eir interiuors cumplets. Uschè do il museum eir albierg a stüvas signurilas our da chesas patricielas, ad üna chadafö burgaisa cun granda chappa da chamin ed ad üna chambra da durmir in stil da la gotica tardiva.
Museum Engiadinais St. Moritz
Via dal Bagn 39
7500 St. Moritz
Tel. +41 (0)81 833 43 33
https://www.museum-engiadinais.ch/
Infurmaziuns actualas davart ils temps d'avertura, ils pretschs d'entrada e las visitas guidadas chattais Vus sin la pagina-web da l'instituziun.