Economia alpestra feminina

L'installaziun multimediala «Rastär» da las schumellinas Celia e Nathalie Sidler envida da scuvrir da nov l'univers da l'economia alpestra feminina, da las puras ed ils products d'alp: ina realitad che ha sias ragischs en Bregaglia lunsch sur la memoria fotografica ora.

Dapi la fin dal 19avel tschientaner ha la fotografia dentant gidà a mantegnair fragments da quest passà, sco che la fotografia da Fulvio Reto – il pseudonim dad Agostino Fasciati – da l'onn 1930 dat perditga.

Il fotograf bregagliot perpetnisescha en quel il maletg d'ina dunna (Margherita Clalüna Ruinelli) durant mulscher las chauras. La fotografia da Fasciati e l'ovra da las soras Sidler rendan dignitad e memoria a la lavur da las dunnas ch'è ditg restada quasi invisibla.