Fatschas ed istorgias che marcheschan ina val

En «Vasi communicanti» raquinta l'artista Helena von Beust l'istorgia da la Bregaglia tras las fatschas da sias abitantas e ses abitants. L'ovra che vegn exponida a Borgonovo avess chattà gia avant in tschientaner motivs gist uschè interessants: A quest fatg renviescha ina fotografia da l'Archivio Storico della Bregaglia, nua ch'ina gruppa da persunas cun in sguard mirveglius e plain dumondas guarda en la camera. Igl è la medema umanitad viventa che Helena von Beust documentescha.

Lezza giada sco er oz èn quai las fatschas e las istorgias individualas che dattan ina furma a l'olma d'in vitg, d'ina val, d'ina regiun. Intginas da questas persunas traversan pass e cunfins e gidan a caracterisar eveniments pli gronds. Gia avant in tschientaner na stuevan ins betg ir lunsch en la Bregaglia per inscuntrar persunas ch'eran destinadas a laschar fastizs en il mund.