Da l'artg al schluppet d'assagl – las festas da tir

L'emprim cun frizza ed artg, lura cun il balester, pli tard cun la muskets, suandà da schluppets, a la fin cun pistolas u cun il schluppet d'assagl 90. En Svizra vegni sajettà bler e dapi tschientaners.

La pli gronda occurrenza dal sport da tir en Svizra, la Festa federala da tir, exista dapi il 1824. A Cuira ha lieu l'emprima Festa federala il 1842 – e quai sin la Quaderwiese. Il chantun Grischun batta aposta per quel eveniment in «taler da tiradurs». Ulteriuras Festas federalas da tir han lieu a Cuira ils onns 1949, 1985 e 2026.

Ma il Grischun n'enconuscha per bler betg be las Festas federalas da tir, mabain er occurrenzas chantunalas da tir. Il 1909 ha lieu a Glion ina tala festa – cun in «resvegl» a las 6, divers banchets e concerts sco era cun in'ustaria da festa enfin mesanotg. Numerus documents e bleras fotografias davart il sport da tir e la festas da tir chattais Vus sin Porta Cultura.

Dapli davart questas infurmaziuns chattais Vus sin la pagina tematica: Las festas federalas da tir a Cuira