«Pimp la cuschina» – spezialitads grischunas

Forsa sa regorda ina lectura u l'auter lectur da la seria televisiva da cuschinar «pimp la cuschina» dals onns 2022 e 2023: La pura Iris Riatsch mussa en l'emissiun da Radiotelevisiun Svizra Rumantscha (RTR) ad ina cuminanza d'abitar a Winterthur co cuschinar spezialitads grischunas.

Segiramain enconuschan bleras lecturas e blers lecturs insaquantas spezialitads grischunas sco maluns u capuns. Sin Porta Cultura, il portal da cultura grischun, sa chattan dentant era recepts scrits a maun che descrivan spezialitads particularas, per exempel ina turta da Fideris u «Härdöpfel-Päzoggel» da Fideris.

Tgi che vul leger al lieu las scrittiras originalas cun questas duas spezialitads numnadas, chatta sin Porta Cultura il lieu, nua ch'ellas vegnan conservadas: en la chasa da cultura Rosengarten a Grüsch.